Abhi Zid na kar Dil-e-Bekhabar
Abhi Pus-e-Hajoom-e-Sitam giraan,
Abhi kon Tujh Se Wafa Kare

Abhi Kis Ko Fursaten Iss Qadar
K Samait kar Teri Kirchiyan,
Tere Haq Men Khud se Dua kare

Abhi Zid Na kar Dil-e-BeKhabar
K Teh-e-Ghubaar-e-Gham-e-Jahan
Kahan Kho gae Tere Chara Gar

K Rah-e-Hayaat men Raegaan
Kahan So gae Tere Hamsafar

Abhi Ghum gusaaron ki chot Seh
Abhi Kuch na sunn, Abhi kuch na keh


 


Abhi Zid na kar Mere Hum Nawa
Abhi Ho sakay To Sakhee Mere
Sabhi Khwab Raakh men Dafan kar

Abhi ho Sakay To Yeh Soch le
K Tallu-e-Ashk Se Paishter

Kaheen Dard he to hua kare
Koi Chot he To khula kare

Kabi Yun B ho k Sar-e-ufaq
Tere Dukh ka chaand Damak Uthe
Koi tees Khud se Chamak Uthe

Kisi Shehr-e-Zakhm-e-farosh men
Koi Zakhm Khud se Khareed kar,
Sabhi Aks Khud se Khurach kabi

Kisi Aeene Pe na deed kar
Kabi Yun b Jashn-e-Turab mana,
Kabi iss Tarah se b Eid kar