Chalo sunau ek kahani
Is mein hai na Raja na Rani
chulbuli si thi ek chidiya
Naam tha uska" Munni Rani"
Chhoti si chidiya thi lekin,
Baton mein thi badi sayani
Roj rojwoh bunti thi khwab,
Neel gagan ko chhu le ne ke,
Hawao sang gati thi gana,
chun chun kar lati thi woh dana,
Bas thi usme ek kharabi,
Kabhi na sunti woh baat kisiki,
Mummy uski hamesha kaheti
" Munny na karna kuch bhi nadani"
Ek din kisi parabat per janeki
Baat usne man me thani
Mummy daddy ko bin puche..
nikal padi karne man mani
Udati chali parbat ki aaur
Na liya sang "Dana- Pani"
Bhookh pyass ke mare ho rahi thi pani-pani
Kis se mangu ab mein dana..
soch rahi thi Munni Rani
udte udte ja woh pahonchi..
jahan thi ek bagiya suhani
Bachhe khel rahe the jahan pe
ek dusre ko dekar tali
thaki haari Munni rani
dhundh rahi thi dana-pani
nanhe se bacche Raju ki
Nazaron mein munni tab aayi
chhoti si chidiya ko dekhne
usne apni mummy bulayi
Raju ki ek pukar per
mummy wahan dudati aayi
Munni ko aaise haal me in dekhkar
Aankh uski paani se bahr aayi
Munni ko lekar haathon mein,
thoda sa chhidka paani
Paani ki chand bundo se
Munni mein thodi jaan aayi
Raju ne Munni ko ghar le janeki
Mummy ko baat batayi
Mummy ne Raju ko samjaya...
" Munni ko wapas ghar bhi hai jana"
Mummy ki woh baat sunkar
Raaju ne na ki Aana kani
Raju ki aaisi dekh samajdari
Mummi man mein bahot pachtayi
: Kaash mai bhi sunti mummy ka kaha
Aaj yeh naubat na thi aani...:
Ab na karungi kuch bhi nadani...
Munni ne li man mein thani
Apni mummy ke paas jaane,
ghar ki aur chal padi munni
Ghar pahonch kar munni ne
Mummy ko sari baat sunayi..
" mummy ab na karungi nadani..
na koi karungi man -mani"
gale lagakar mummy boli
" Munni ab tu ho gayi sach me sayani"
Munni ban gayi sach me sayani
aur khatam huwi kahani


 


chalo sunau ek kahani
Is mein hai na Raja na Rani!!!!!!!