Results 1 to 5 of 5

Thread: MEIN NAY ISS TAUR SE CHAHA TUJHE AKSAR JANAAN

  1. #1
    Senior Member Array (` (Ajnabee) )'s Avatar
    Join Date
    Mar 2009
    Location
    jnb City kay jnb Rst
    Posts
    18,821
    Country: Pakistan
    Rep Power
    0

    MEIN NAY ISS TAUR SE CHAHA TUJHE AKSAR JANAAN

    mein nay iss taur se chaha tujhe aksar janaan
    jaisay mahtab ko be-ant samander chahay
    jaisay sooraj ki kiran seep ke dil mai utray
    jaisay khushbu ko hawa, rung se hut ker chahay
    jaisay pathhar ke kalaijay se kiran phoot-ti hai
    jaisay ghunchay khulay mausam se hina mangtay hein
    jaisay khaaboan mai khayaloan ki kamaan toot-ti hai
    jaisay barish ki dua aabla-pa mangtay hein
    mera har khaab meray such ki gawahi de ga
    wusat-e-deed ne tujh se teri khaahish ki hai
    meri sochoan mai kabhi dekh sarapa apna!
    mai ne duniya se alag teri parastish ki hai
    khaahis-e-deed ka mausam kabhi dhundla jo hua
    noach daali hain zamanay ki naqabain mai ne
    teri palkoan pay utarti hui subhoan k liye
    toar daali hain sitaroan ki tanabain main ne
    mai nay chaha keh teray husn ki gulnaar fiza
    meri ghazlon ki qataron se mehekti jaey
    mai ne chaha keh meray fun ke gulistaan ki bahaar
    teri aankhoan ke gulaboan se mehekti jaye
    tai to yeh tha keh sajata rahay lafzoan ke kanwal
    meray khamosh khayaloan mai takallum tera
    raqs kerta rahay, bharta rahay, khushbu ka khumaar
    meri khaahish ke jazeeroan mein takallum tera
    tu magar ajnabi mahol ki parwardah kiran
    meri bujhti hoi ratoan ko sahar ker na saki
    teri sansoan mai maseehai to thee laikin tu bhee
    chara-e-zakhm-e-gham-e-deeda-e-tarr, ker na saki
    tujh ko maloom hi kab hai keh kisi dard ka daagh
    aankh se dil mein utar jaey to kya hota hai???
    tu keh seemab tabiyat hai tujhe kya maloom
    mausam-e-hijr theher jaey to kya hota hai
    tu nay uss moar pay tora hai taalluq keh jahan
    dekh sakta nahin koi bhee palat ker janaan
    abb yeh aalam hai keh ankhain jo khulain gee apni
    yaad aey ga teri deed ka manzar janaan
    mujh se maangay ga teray ehd-e-mohobbat ka hisaab
    teray hijraan ka dehekta hua mehshar janaan
    yoon meray dil ke barabar tera gham aya hai
    jaisay sheeshay ke maqabil koi pathhar janaan!!!
    jaisay mahtaab ko be-ant samander chahay
    mai ne iss taur se chaha tujhay aksar janaan!!!



     



  2. #2
    Senior Member Array (` (Ajnabee) )'s Avatar
    Join Date
    Mar 2009
    Location
    jnb City kay jnb Rst
    Posts
    18,821
    Country: Pakistan
    Rep Power
    0
    WHY NO COMMENT..

  3. #3
    Junior Member Array
    Join Date
    May 2009
    Posts
    31
    Rep Power
    0
    majbor e ana hokar
    paband e wafa hokar
    hum baith gae akhir
    razi ba raza hokar
    jis rutt ma wo bichra tha
    us rutt k ata'aqub main
    dil ha k bhatakta ha rahon ki hawa hokar
    es jism k zindan main
    ek umer se qaid han
    urr jaengay hum akhir
    ek roz reha hokar
    ab tak maire angan main
    phoolon ka basara ha
    guzrey thay mare gher se
    wo bad esaba hokar
    is darja hawadis se khaif ha mari husti
    her lahz nikalta ha honton se dua ho kar

  4. #4
    Member Array
    Join Date
    Jul 2010
    Location
    China/Pakistan
    Posts
    1,146
    Rep Power
    0
    veryy niceeeee....ajnabee n kanwal both of u have shared beautiful poetry....

  5. #5
    Senior Member Array (` (Ajnabee) )'s Avatar
    Join Date
    Mar 2009
    Location
    jnb City kay jnb Rst
    Posts
    18,821
    Country: Pakistan
    Rep Power
    0
    thanks malik sahib
    meera where r u comments

Thread Information

Users Browsing this Thread

There are currently 1 users browsing this thread. (0 members and 1 guests)







Similar Threads

  1. Maine Tujhe Chaha
    By Javeriya in forum Shair-o-Shairi
    Replies: 0
    Last Post: 09-19-2011, 11:23 AM
  2. Yeah Tum Nay Kia Kiya Janaan???
    By (` (Ajnabee) ) in forum Shair-o-Shairi
    Replies: 4
    Last Post: 06-23-2010, 11:44 AM
  3. dayar-e-gair mein kaise tujhe sada dete
    By not-_-alive in forum Shair-o-Shairi
    Replies: 8
    Last Post: 02-26-2010, 12:22 PM
  4. dayar-e-gair mein kaise tujhe sada dete
    By Masoom_se_chahat in forum Shair-o-Shairi
    Replies: 3
    Last Post: 10-07-2009, 06:35 PM
  5. main ne is taur chaha hai
    By barish_badal in forum Sms Collection
    Replies: 1
    Last Post: 03-28-2008, 11:55 PM

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  



Get Daily Forum Updates

Get Most Amazing E-mails Daily
Full of amazing emails daily in your inbox
Join Nidokidos E-mail Magazine
Join Nidokidos Official Page on Facebook


Like us on Facebook | Get Website Updates | Get our E-Magazine