reza reza kanch k herf
dheery zara dheery
dheery bht dheery
roh ki gehraion mein pewasat ho rehy hein
bojhal num andhery
kuhr mein lipti sham
umeed ky jugnoo nigal rehi hy
sarad yakh lamhon ki banhain
akaas beil ki tarah
dheery dheery
badan k reshon ko jakarti ja rehi hain
palkon say lipti yaqeen ki jhilmilati loa
panion ky bhanwar mein dobti ja rehi hy
aiey sham-e-tanhaiey
keisay phir
jugnooan ka entsaab
tery peshani kay naam karon
keisay phir
chand pe titlion ky paron say kahanian likhon
phir bhi aiey unwan-e-zindagi
fursat mili to loton gi tery taraf
dheery bht dheery
dheery zara...................