wo khud apni aag mai jal gaye

jo gam e habeeb se dur the wo khud apni aag mai jal gaye
jo gam e habeeb ko paa gaye wo Gamu se hans ke nikal gaye
jo thakey thakey se the housle wo shabaab banke machal gaye
wo nazar nazar se gale mili to bujhe charaag bhi jal gaye

ye shikasta deed ki karvatein bhi badi lateef o jameel thi
mai nazar jhuka ke tadap gaya wo nazar bacha ke nikal gaye
na khiza mai hai koyi teergi na bahaar mai koyi roshani
ye nazar nazar ke charaag hai kahi bujh gaye kahi jal gaye

jo sambhal sambhal ke bahek gaye wo fareeb khurda e raah the
wo makaam e ishq ko paa gaye jo bahek bahek ke sambhal gaye
jo khile hue hai rabish rabish wo hazaar husn e chaman sahi
magar un gulu ka jawaab kya jo qadam qadam pe kuchal gaye

na hai Shaayar ab gam e nau ba nau na wo daag e dil na wo aarizu
jinhe aetimaad e bahaar tha wohi phool rang badal gaye