hamsafar

Wo thakaa hua meri baahon men zaraa so gayaa thaa to kya huaa
Abhii main ne dekhaa hai chaaNd bhi kisi shaaKh-e-gul pe jhukaa huaa

Jise le gai hai abhi hawaa wo warq thaa dil kii kitaab kaa
Kahin aaNsuon se miTaa huaa kahin aaNsuon se likhaa hua

Kai meel rait ko kaaT kar koi mauj phoo khilaa gai
Koi per pyaas se mar rahaa hai nadi ke paas kharaa huaa

Mujhe haadson se sajaa sajaa ke bahut haseen banaa diyaa
Mera dil bhi jaise dulhan ka haath ho mehndiyon se rachaa huaa

Wahi Khat ke jis pe jagah jagah do mehekte honThon ke chaaNd the
Kisi bhoole-bisre se taaq par tah-e-gard hogaa dabaa huaa

Wahi shahar hai wahi raaste wahi ghar hai aur wahi laan bhi
Magar us dareeche se pochnaa wo daraKht anaar kaa kyaa huaa

Mere saath jugnuu hai hamsafar magar is sharar ki bisaat kyaa
Ye CHARAAG koi CHARAAG hai na jalaa huaa na bujhaa huaa!!!!!!