badal daalo........

taskeen na ho jis se wo raaz badal daalo
jo raaz na rakh pae hamraaz badal daalo

tum ne bhi suni ho gi bari aam kahawat hay
anjaam ka ho khatra aaghaz badal daalo

pursoz dilon ko jo muskaan na de pae
sur hi na mile jis may wo saaz badal daalo


 


dushman k iradon ko hay zahir gar karna
tum khail wohi khailo andaaz badal daalo

aey dost karo himmat kuch door sawera hay
agar chahte ho manzil parwaaz badal daal