Assalam o Alaikum

Doston main aaj aapke samne ilm ki ahmiat ko ek sabaq aamoz waqiye ke zarye ujagar karna chahta hon

is duniya me bahot saari qaomein hain chund ek to apne maazi me badey badey karnamey anjam de chuki hain aur chund qaomein at present urooj par hain.aur unki is taraqi ka raaz hai ilm ki jaddo jahad.

aaj ek aisa hi waqaya main aapke samne pesh kar raha hon jis se ilm ki ahmiat wazeh hoti hai.
padhen aur amal karen.

Thomas Jefferson America ka teesra sadar tha. Wo 1743 me paida hua 1826 me iski wafat hui. Wo 1801 se lekar 1826 tak America ka sadar raha. Jefferson nihayat qabil aadmi tha.wo angrezi, latini, unani, francisi, spaini, atalvi aur englosecsen zabanein janta tha. Maoriqeen likhte hain k wo ek intehayi ghair maamoli qism ka sahib e ilm aadmi tha.

"He was an extra ordinary learned man"


 


Isne apni taweel umr me falsafa aur science se laker mazhab tak taqreeban tamam uloom ka gahra mutaala kia. Aaqri umr me isne yeh koshish ki k wo injeel ka tajzia karey aur yeh maloom karey k hazrat mashi ne waqiyatan kia kaha tha aur bayan karne walaon ne inke barey me kia bayan kia.

Jefferson ne aaqri umr me yeh wasiat ki thi k iske marne k baad iski khabar par jo kutba lagaya jaye isme yeh na likha jaye k wo America ka sadar tha. Balke yeh likha jaye k wo verginia university ka baani tha. Chunaanche iski wasiat k mutabeq iski khabar par jo kutba laga hua hai isme yeh alfaaz darj hain.

"Here was buried Thomas Jefferson father of the university of verginia."



"KITAB E ZINDAGI"