Badan Mein Rang Bharta Hai Tumhara Chand Sa Chehra,

Mujhe BeyChein Karta Hai Tumhara Chand Sa Chehra,

Ishq Ehsaas Ka Nasha Liye Phirta Hai Dunia Mein,

Meri Khatir Sanwarta Hai Tumhara Chand Sa Chehra,

Mujhe Yeh Chandni Raatein Bohat Dil-Geer Lagti Hain,


 


Jab Aankhon Mein Ubharta Hai Tumhara Chand Sa Chehra,

Koi Chehra Meri Aankhon Ko Seeraab Kar Nahi Sakta,

Mujhe Madhosh Karta Hai Tumhara Chand Sa Chehra,

Meri Basti Se Shayad Is Liye Tum Door Rehtay Ho,

Garehn Lagny Se Darta Hai Tumhara Chand Sa Chehra,

Tawajha Kis Qadar Deny Laga Hoon Aaj Kal Mein Khud Pe,

Tassawr Se Guzarta Hai Tumhara Chand Sa Chehra,

Mere Chaaron Taraf Jab Raatein Phail Jati Hain,

To Phir Mujh Mein Utrta Hai Tumhara Chand Sa Chehra,