Har Lamha Teri Yaad Ki Khushbuu Hai Mere' Paas
Is Shehar Mein Tanha Hoon Magar Tuu Hai Mere' Paas

Jis Shak'l Ko Chahoon Teri Tasveer Mein Badal Doon'
Ye Husn-E-Tasavvar Hai Ke Jaaduu Hai Mere' Paas

Rakhta Hai Sadaa Jo Meri Raaton Ko Mo'attar
Wo Tere' Badan Ka Gul-E-Khushbuu hai Mere' Paas


 


Kese' Mujh Ko Pasand Aaein Gay' Is Shehar Ke Naghme'
Tuu Hai Meri Koyal Teri Kuu Kuu Hai Mere' Paas

Kiun Thaamoon Ga Jaan! Main Kisi Aur Ki Baanhain'
Pehne' Huye Kangan Tere' Baazuu Hain Mere' Paas

Jab Chahoon Qateel Us Ke Nagar Tak Mujhe' Le' Jaay
Sochon Ka Chammakta Hua Jugnuu Hai Mere' Paas