Results 1 to 9 of 9

Thread: Amjad Islam Amjad

  1. #1
    Junior Member Array
    Join Date
    Dec 2009
    Posts
    23
    Rep Power
    0

    Amjad Islam Amjad

    Post here only Amjad Islam Amjad's Poetry.


    Yahi Buhat Hy Ky Dil Us Ko Dhoondh Laya Hy
    Kisi Ky Saath Sahi Vo Nazar Tu Aya Hy.

    Karon Shikayatien Takta Rahoon Ky Pyar Karoon
    Gai Bahaar Ki Soorrat Wo Laut Aya Hy.


     


    Wo Samney Tha Magar Ye Yaqeen Na Ata Tha
    Wo App Hy Ky Meri Khaahishoon Ka Saya Hy.

    Azaab Hein Ky Kaisey Hein, Barishein Kya Hein
    Faseel-E-Jism Giri Jub Tu Hosh Aya Hy.

    Main Kya Karoon Ga Agar Wo Na Mil Saka 'Amjad'
    Abhi Abhi Mere Dil Mein Khayal Aya Hy
    (Poet. Amjad Islam Amjad)



  2. #2
    Junior Member Array
    Join Date
    Dec 2009
    Posts
    23
    Rep Power
    0
    Sub Tumharay Liay,
    Jan-E-Jaan Ye Jahan,Ye Zameen Asmaan,
    Ye Meray Raat Din ,Khaak Hain Tery Bin,
    Ye Meri Zindagi,Dosti Dushmani,
    Rastay,Wastay,Sub Tumharay Liay,
    Sub Tumharay Liay,
    Tum Jo Dekho To Meray Shab-0-Roz Ko,
    Koi Matlab Milay,
    Tu Jo Poochay To Meray Her Ik Harf Ko,
    Koi Rutba Millay,Koi Mansab Millay,
    Tum Jo Socho Meray Wasatay Kuch Bhi,
    Main Sitaron Ko Muthi Main Bhar Laonga,
    Tum Agar Aik Din Mujh Ko Awaz Do,
    Main Jahan Per Bhi hoon, Lout Aoonga,
    Ye Meray Jism-O-Jan ,Meray Sher-O-Sukhan,
    Meri Tanhayian,
    Bazm Araaeaan,
    Ab Tumharay Liay,
    Sub Tumharay Liay,
    Sub Tumharay Liay.
    (Poet. Amjad Islam Amjad)

  3. #3
    Junior Member Array
    Join Date
    Dec 2009
    Posts
    23
    Rep Power
    0
    Teri Zad Se Nikalana Chahata Hy
    Ye Dariya Rukh Badalana Chahata Hy.

    Vo Sapana Jis Ki Suurat Hi Nahin Hy
    Meri Ankhon Mein Chalana Chahata Hy.

    Dilon Ki Mandagi Pe Kya Tajjub
    Ki Suuraj Bhi To Dhalana Chahata Hy.

    Nashist-E-Dard Badali Hy To Ab Dil
    Zara Pahaluu Badalana Chahata Hy.

    Mujhe Bhi Samana Hy Karbala Ka
    Mera Sar Bhi Uchhalana Chahata Hy.

    Nahin Hy Tarjuman-E-Gam Ye Ansuu
    Ye Pani Ab Ubalana Chahata Hy.

    Tabassum Zer-E-Lab Kahata Hy 'Amjad'
    Koi Jazba Machalana Chahata Hy.
    (Poet. Amjad Islam Amjad)

  4. #4
    Junior Member Array
    Join Date
    Dec 2009
    Posts
    23
    Rep Power
    0
    Labon Pe Rukti, Dilon Mai Sama Nahi Sakti
    Wo Ek Baat Jo Lafzon Mai Aa Nahi Sakti

    Jo Dil Mai Ho Nazar-e-Gham To Ashq Paani Hai
    Ke Aag Khaak Ko Kundan Bana Nahi Sakti

    Yaqeen, Gumaan Se Bahar To Ho Nahi Sakta
    Nazar Khayaal Se Aagey To Jaa Nahi Sakti

    Dilon Ki Ramz Faqat Ehl-e-Dil Jaantey Hein
    Teri Samajh Mai Meri Baat Aaa Nahi Sakti

    Yeh Souz-e-Ishq To Goongey Ka Khuaab Hai Jesey
    Meri Zubaan Meri Haalat Bataa Nahi Sakti

    Simat Rahi Hai Mere Baazuoun Ke Halqay Mai
    Haya Ke Boojh Se Palkein Utha Nahi Sakti

    Jo Keh Raha Hai Sulagta Hua Badan Us Ka
    Bata Bhi Paati Nahi, Aur Chupa Nahi Sakti

    Ek Aise Hijar Ki Aatish Hai Mere Dil Mai Jesey
    Kisi Visal Ki Baarish Bujhaa Nahi Sakti

    To Jo Bhi Hona Hai, Amjad Yahin Pe Hona Hai
    Zameen Madaar Se Bahar To Jaa Nahi Sakti
    (Poet: Amjad Islaam Amjad)

  5. #5
    Junior Member Array
    Join Date
    Dec 2009
    Posts
    23
    Rep Power
    0
    Teri khushbu
    hawa ke sabz daaman main basi
    to soch ne aankhon main khuahish ke dareechay khol ker dil se kaha
    Khuda shahid
    ke hum ne aaj tak bichray huon ko phir kabhi miltay huay nahin dekha ,
    mager hairat sama'at per ke aahat usi ki hai
    jisae tum ne gunwaya tha
    judaai ki hawa jis ke mehaktai jism ki khushbu se khali thi
    jisay khone ka her lamha naye mausam ka haasil tha
    sitaaray jis ki surat daikhne her shab nikalte hain
    nizaaray haath malte hain
    yakayak shehr ki galion main us ke naam ki khushbu uri main ne
    rafaqat ke puraane lehjay main usay aawaz di
    us ne mujhay dekha
    mager us ki nigahon se faqat hairathaweeda thi
    ke jaise poochta ho is takhatub ka sabab kia hai!
    wohi chehra, wohi aankhain, wohi khush wuza'a paiker tha
    ke jaisay maosmon ka ghun usay choonay se qasir ho!
    main bacchay ki tarah shashder khara tha
    us ne baalon ko jhatak ker DOOBTAY sooraj ko ghoora!
    raastay ko aankh main tola , mujhay daikha
    "safer lamba hai" wo bola,
    meri manzil tumhari rehguzer se sainkron fersang aagay hai
    Khuda hafiz!
    (Poet. Amjad Islam Amjad)

  6. #6
    Junior Member Array
    Join Date
    Dec 2009
    Posts
    23
    Rep Power
    0
    Wo jo ek khwaab si raat thi..

    Mere bakht mein..

    Yunhi ek pal mein guzar gayi..

    Wo guzar gayi to pata chala..

    Wohi ek kaam ki cheez thi..

    Meri zindagani ke rakht mein..!!
    (Poet. Amjad Islam Amjad)

  7. #7
    Member Array
    Join Date
    Dec 2009
    Location
    Mama'z Heart
    Posts
    4,685
    Rep Power
    0
    good wrk keep sharing t4s

  8. #8
    Junior Member Array
    Join Date
    Dec 2009
    Posts
    23
    Rep Power
    0
    Kahii chaand dhund mein kho gaya
    Kahi jaag jaag ke so gaya
    Mager ik sitara-e-meherban
    Jo gawah tha

    Sar-e-sham se dam-e-subh tak

    Kisi wasal rang se raat ka
    Kisi be kinar se lutf ka
    Kisi mushkbar se baat ka

    Mere sath tha,
    Mere sath hai!!!
    (Poet. Amjad Islam Amjad)

  9. #9
    Member Array
    Join Date
    Dec 2009
    Location
    Mama'z Heart
    Posts
    4,685
    Rep Power
    0
    good 1 t4s

Thread Information

Users Browsing this Thread

There are currently 1 users browsing this thread. (0 members and 1 guests)







Similar Threads

  1. Islam Vs Terrorism !
    By carefree in forum Religion
    Replies: 0
    Last Post: 07-06-2012, 01:34 AM
  2. chahat hai sada dill main by amjad khan
    By amjad taj khan in forum Shair-o-Shairi
    Replies: 2
    Last Post: 06-22-2012, 10:56 PM
  3. Amjad Farooq Alvi Inventor of first PC Virus
    By sadia in forum Audio Video
    Replies: 0
    Last Post: 03-07-2011, 07:04 PM
  4. amjad islam amjad ........
    By meera84 in forum Shair-o-Shairi
    Replies: 0
    Last Post: 06-12-2010, 07:28 PM
  5. Agar kabhe meri yad ay tu ..by amjad Islam Amjad
    By mahima in forum Inspirations
    Replies: 1
    Last Post: 03-28-2008, 01:06 AM

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  



Get Daily Forum Updates

Get Most Amazing E-mails Daily
Full of amazing emails daily in your inbox
»» Join Nidokidos E-mail Magazine
Join Nidokidos Official Page on Facebook


Like us on Facebook | Get Website Updates | Get our E-Magazine