Qayee dino se !!!

Qaye dinon kaa suraaG lekar kidhar se aayaa kidhar gayaa vo
ajiib maanuus ajanabii thaa mujhe to hairaan kar gayaa vo

Khushii kii rut ho ke Gam kaa mausum nazar usse DhooN Ditii hai har dam
vo buu-e-gul thaa ke naGmaa-e-jaan mere to dil mein utar gayaa vo

vo maikade ko jagaanevaalaa vo raat kii neendon Daanevaalaa
na jaane kyaa us ke jii mein aayii hi shaam hote hii ghar gayaa vo

kuchh ab sambhalane lagii hai jaaN bhii badal chalaa rang aasmaaN bhii
jo raat bhaarii thii Tal gayii hai jo din karaa thaa guzar gayaa vo









shikastaa_paa raah mein kharaa hooN qayee dinon ko bhulaa rahaa hooN
jo qaafilaa meraa ham_safar thaa misl-e-gard-e-safar gayaa vo

bas ek manzil hai bul_havas kii hazaar raste hain ahal-e-dil ke
ye hii to hai farq mujh mein us mein guzar gayaa main Thahar gayaa vo

vo jis ke shaane pe haath rakh kar safar kiyaa tune mannzilon kaa
terii galii se na jaane kiyoN aaj sar jhukaaye guzar gayaa vo

vo hijir ki raat kaa sitaara vo ham_nafas ham_suKhan hamaaraa
sadaa rahe us kaa naam pyaaraa sunaa hai kal raat mar gayaa vo

bas ek motii sii chhab dikhaakar bas ek meeThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo

na ab vo yaadon kaa chartaa dariyaa na fursaton kii udaas barkhaa
yuuN hii zaraa sii kasak hai dil mein jo zaKhm gahraa thaa bhar gayaa vo

vo raat kaa benavaa musaafir vo teraa shaayar vo teraa 'shafeeq'
terii galii tak to ham ne dekhaa phir na jaane kidhar gayaa vo