qalam ho taigh ho teesha k dhaal mat cheeno
kabhi kisi say kisi ka kamal mat cheeno

khoshi isi mein agar hai ti her khoshi lay lo
ye dukh ye dard ye huzn-o-malal mat cheeno

isi khalish k sabab phir mujhay ubharna hai
khuda k wastay ehd-e-zawal mat cheeno

main chor sakta nahi saath istiqamat ka
meri azan say josh-e-bilal mat cheeno









abhi kitab na cheeno tum inkay hathon' say
hamaray bachon' ka shusn-o-jamal mat cheeno

hamari aankh mein yadon' k zakhm rehnay do
hamaray hath say phoolon' ki dal mat cheeno

abhi bujhao na candle na cake kaato abhi
kuch aur dair mera pichla saal mat cheeno