Khush-haal se tum bhi lagtey ho
Yun afsurda to hum bhi nahi
Per jan-ney waley jan-tey hain
khush hum bhi nahi, khush tum bhi nahi

Tum apni khuddi ke pehrey main
Aur dam-e-gharoor main jakrey huey
Hum apney zu’am ke nerghey main
Ana haath hamerey pakrey huey

Ek mudda-dat se ghalta’an paicha’an
Tum rabt-o-guraiz ke dharoun main
Hum apney app se uljhey huey
Pichtaway ke angaroun main


 


Mehsoor-e-talatum aaj bhi ho!
Go tum ne kinarrey dhoondh liye
Toofan se sambh-ley hum bhi nahi
Kehney ko saharey dhoondh liye

Khamosh se tum, hum muhr-ba-labb
Jag beet gaye, tuk baat kiye
Suno! khel adhoora chortey hain
bina chal challey,bina maat kiye

Jo bhagtey bhagtey thak jayein
Woh saayey ruk bhi saktey hain
Chalo toro qasm, iqrar karein
Hum dono jhukk bhi saktey ha