AEK EID AEK EHD
Kitni sadiyon ki gard chehray pe,
Kitni raahon k khm khyalon men,

Ishq apna payam bhool na jaye,
Aqal k nit naye sawalon main,

Kitny nazuk hain dard k rishtay,
Gardish-e asmaa'n ko kaya maloom,

Shama ki raat kese kat'ti ha,
Khanda-e kehkashaa'n ko kaya maloom,

Aaj saaray hijaab uthnay do,
Dil figaaron ki Eid aai ha,

Aaj ka jashan sirf jashan nahin,
Zindgi ka shaoor deta ha.

Eid-e qurbaa'n ki zu'fishani main,
Subah-e farda ka ehtmaam bhi ha,

Aaj dil main farogh paata ha,
Jazb-e eesaar josh-e qurbaani,

Dehar ki khawab go'n fazaaon main,
Jaag uthti ha rooh-e insaani,

Zazb-e eesaar nojawanon ko,
Zindagi ka shaoor deta ha,

Yaas k bekaraa'n andheray main,
Kamraani ka noor deta ha,

Jin ko aata ha mout se larrna,
Zindagi un ko payar karti ha,

Manzilen khud pukaarti hain unhen,
Har rawish intazaar karti ha,

Ham bhi ae arz-e paak teri qasam,
Tujh ko gardoo'n shikaar kar denge,

Teri azmat teri baqaa k liye,
Apni jaanen nisaar kar denge.

QABIL AJMERI