ﺍﺱ ﺗﯿﺮﮮ ﺳﺮ ﮐﯽ ﻗﺴﻢ ﻓﺮﻕ ﺳﺮِ ﻣﻮ ﺑﮭﯽ ﻧﮩﯿﮟ
ﺟﺲ ﻗﺪﺭ ﮨﻢ ﮨﯿﮟ ﭘﺮﯾﺸﺎﮞ ﺗﺮﮮ ﮔﯿﺴﻮ ﺑﮭﯽ ﻧﮩﯿﮟ
ﻣﻮﺕ ﻧﮯ ﮐﺘﻨﺎ ﮐﺞ ﺍﺧﻼﻕ ﺑﻨﺎﯾﺎ ﮨﮯ ﻣﺠﮭﮯ
ﻟﻮﮒ ﺭﻭﺗﮯ ﮨﯿﮟ ﻣﺮﯼ ﺁﻧﮑﮫ ﻣﯿﮟ ﺁﻧﺴﻮ ﺑﮭﯽ ﻧﮩﯿﮟ
ﺭﺍﺕ ﺑﮭﺮ ﺟﻠﻨﺎ ﮨﮯ ﺁ ﺟﺎ ﺍﺩﮬﺮ ﺍﮮ ﭘﺮﻭﺍﻧﮯ
ﻗﺎﺑﻞِ ﺭﺣﻢ ﯾﮩﺎﮞ ﻣﯿﮟ ﺑﮭﯽ ﻧﮩﯿﮟ، ﺗﻮ ﺑﮭﯽ ﻧﮩﯿﮟ
ﺍﺏ ﺗﻮ ﺩﺍﻣﻦ ﭘﮧ ﻟﮩﻮ ﮨﮯ، ﮐﮩﻮ ﮐﯿﺎ ﮐﮩﺘﮯ ﮨﻮ
ﺍﺏ ﺗﻮ ﺍﻧﮑﺎﺭِ ﺳﺘﻢ ﮐﺎ ﮐﻮﺋﯽ ﭘﮩﻠﻮ ﺑﮭﯽ ﻧﮩﯿﮟ
ﺟﺎ ﺗﺠﮭﮯ ﮨﻢ ﻧﮯ ﺑﺲ ﺍﮮ ﻋﻤﺮِ ﺭﻭﺍﮞ ﺩﯾﮑﮫ ﻟﯿﺎ
ﮨﻢ ﺗﺠﮭﮯ ﺍﭘﻨﺎ ﺳﻤﺠﮭﺘﮯ ﺗﮭﮯ ﻣﮕﺮ ﺗﻮ ﺑﮭﯽ ﻧﮩﯿﮟ
ﻣﯿﺮﯼ ﻣﯿﺖ ﭘﮧ ﯾﮧ ﺍﻇﮩﺎﺭِ ﺍﻟﻢ ﺭﮨﻨﮯ ﺩﮮ
ﺭﻭﻧﮯ ﻭﺍﻟﮯ ﺗﺮﯼ ﺁﻧﮑﮭﻮﮞ ﻣﯿﮟ ﺗﻮ ﺁﻧﺴﻮ ﺑﮭﯽ ﻧﮩﯿﮟ
ﺩﻝِ ﻣﺎﯾﻮﺱ ﻣﯿﮟ ﺍﺣﺴﺎﺱِ ﺧﻮﺩﯼ ﺗﮏ ﻧﮧ ﺭﮨﺎ
ﺍﯾﺴﺎ ﻣﺮﺟﮭﺎ ﮔﯿﺎ ﯾﮧ ﭘﮭﻮﻝ ﮐﮧ ﺧﻮﺷﺒﻮ ﺑﮭﯽ ﻧﮩﯿﮟ
ﺳﻮﭼﺘﺎ ﮨﻮﮞ ﯾﮧ ﮐﮧ ﺩﻧﯿﺎ ﻣﯿﮟ ﺍﻧﺪﮬﯿﺮﺍ ﮐﯿﻮﮞ ﮨﮯ
ﺗﯿﺮﮮ ﭼﮩﺮﮮ ﭘﮧ ﺗﻮ ﺑﮑﮭﺮﮮ ﮨﻮﺋﮯ ﮔﯿﺴﻮ ﺑﮭﯽ ﻧﮩﯿﮟ
ﮐﺘﻨﺎ ﮨﻤﺪﺭﺩ ﮨﮯ ﮨﻤﺪﺭﺩﯼِ ﺭﮨﺒﺮ ﺩﯾﮑﮭﻮ
ﮐﺎﺭﻭﺍﮞ ﻟﭧ ﮔﯿﺎ ﺍﻭﺭ ﺁﻧﮑﮫ ﻣﯿﮟ ﺁﻧﺴﻮ ﺑﮭﯽ ﻧﮩﯿﮟ
ﺍﮮ ﻗﻤﺮؔ ﺷﺐ ﮐﮯ ﺍﻧﺪﮬﯿﺮﮮ ﻣﯿﮟ ﻟﺤﺪ ﮨﮯ ﻣﯿﺮﯼ
ﺷﻤﻊِ ﺗﺮﺑﺖ ﺗﻮ ﺑﮍﯼ ﭼﯿﺰ ﮨﮯ ﺟﮕﻨﻮ ﺑﮭﯽ ﻧﮩﯿﮟ