Degaa mere kartoot ka taawaan koi aur
Hai jurm mera, hoga pashemaan koi aur

Ab paas mere kya hai udaasi ke ilawaa
Tu dhundle dar ae dil e naadaan koi aur

Sab jhut hai ke teri muhabbat ka asar hai
Aansoo ki rawaani ka hai unwaan koi aur

Yarab tere aayeen me tarmeem hui hai?
Teri hai magar leta hai ye jaan koi aur!

Hum Sarmad-o-Mansur k pahlu me khare hain
Wo dhundte hain saahab-e-eemaan koi aur....