Lab Pay Aahein Aankh Mein Aisa Woh Paani Dey Gaya
Kya Ussey Dohraein Hum Kaisi Kahani Dey Gaya

Zindagi Dhalney Ko Thi, Aisa Kiya Uss Ne Sahar
Aisi Qurbat Di Mujhey Phir Say Jawani Dey Gaya

Be-khabar Tha, Dard Ka Unwaan Baney Gi Zindagi
Jee Nahin Saktey Woh Aisi Zindagani Dey Gaya

Sab Ko Haathon Say Diya Mehfil Mein Aaney Ka Payam
Kachey Kachey Mann Mujhey Dawat Zabani Dey Gaya

Kuch Nahin Chorra Hai Uss Ne Pyar Ki Iss Raah Par
Murr Ke Phir Bhi Daikhney Ki Aadat Purani Dey Gaya

Kis Qadar Aabad Tha 'Tanha' Ke Dil Ka Nagar
Basti-e-Chaahat Ko Zaalim Phir Weerani Dey Gaya.....