Ab Ke Safar Kuch Aur Tha, Aur Hi Kuch Saraab Thay
Dasht-e-Talab Mein Jaa-Ba-Jaa, Sang-e-Giraan-e-Khwaab Thay

Hashar Ke Din Ka Ghulghula Shehar Ke Baam-o-Daar Mein Tha
Niglay Huwe Sawaal Thay, Uglay Huwe Jawaab Thay

Ab Ke Baras Bahaar Ki Rutt Bhi Thi Intezaar Ki
Lehju'on Mein Sail-e-Dard Tha, Aankhon Mein Ezteraab Thay

Khawaboun Ke Chaand Dhal Gaye, Taaroun Ke Dam Nikal Gaye
Pholoun Ke Haath Jal Gaye, Kaise Ye Aftaab Thay


 


Saahil Ki Rehguzar Huwe, Hoont Na Phir Bhi Taar Huwe
Kesi Ajeeb Piyas Thi ,Kaisy Ajeeb Sahaab Thay

Umar Isi Tazaad Mein, Rizq-e-Ghubaar Ho Gai
Jism Tha Aur Azaab Thay, Aankhen Theen Aur Khawaab Thay

Subah Huwi To Shehar Ke Shor Mein Youn Bikhar Gaye
Jaisay Wo Aadmi Na Thay, Naqsh-o-Nigaar-e-Aab Thay

Aankho'on Mein Khoon Bhaar Gaye, Rastoo'on Mein Bikhar Gaye
Aane Se Qabal Mar Gaye, Aisey Bhi Inqilaab Thay

Saath Wo Ek Raat Ka, Chashm-e-Zadan Ki Baat Tha
Phir Na Wo Iltefaat Tha, Phir Na Wo Ijtinaab Thay

Rabt Ki Baat Aur Hai, Zabt Ki Baat Aur Hai
Ye Jo Fishaar-e-Khaak Hai, Is Mein Kabhi Gulaab Thay

Abar Baras Ke Khul Gaye, Jee Ke Ghubaar Dhul Gaye
Aankh Mein Roo-Numa Huwey, Shehar Ju Zair-e-Aab Thay

Dard Ki Rehguzar Mein, Chalte To Kis Khumaar Mein
Chashm Ke Be-Nigaah Thi, Hoont Kh Be-Khitaab Thay..