ﻣﯿﮟ ﻧﮯ ﮐﮩﺎ ﻭﮦ ﭘﯿﺎﺭ ﮐﮯ ﺭﺷﺘﮯ ﻧﮩﯿﮟ ﺭﮨﮯ
ﮐﮩﻨﮯ ﻟﮕﯽ ﮐﮧ ﺗﻢ ﺑﮭﯽ ﺗﻮ ﻭﯾﺴﮯ ﻧﮩﯿﮟ ﺭﮨﮯ
ﭘﻮﭼﮭﺎﮔﮭﺮﻭﮞ ﻣﯿﮟ ﮐﮭﮍﮐﯿﺎﮞ ﮐﯿﻮﮞ ﺧﺘﻢ ﮨﻮﮔﺌﯿﮟ؟
ﺑﻮﻟﯽ ﮐﮧ ﺍﺏ ﻭﮦ ﺟﮭﺎﻧﮑﻨﮯ ﻭﺍﻟﮯ ﻧﮩﯿﮟ ﺭﮨﮯ
ﭘﻮﭼﮭﺎ ﮐﮩﺎﮞ ﮔﺌﮯ ﻣﺮﮮ ﯾﺎﺭﺍﻥِ ﺧﻮﺵ ﺧﺼﺎﻝ...
ﮐﮩﻨﮯ ﻟﮕﯽ ﮐﮧ ﻭﮦ ﺑﮭﯽ ﺗﻤﮩﺎﺭﮮ ﻧﮩﯿﮟ ﺭﮨﮯ
ﺍﮔﻼ ﺳﻮﺍﻝ ﺗﮭﺎ ﮐﮧ ﻣﺮﯼ ﻧﯿﻨﺪ ﮐﯿﺎ ﮨﻮﺋﯽ؟
ﺑﻮﻟﯽ ﺗﻤﮩﺎﺭﯼ ﺁﻧﮑﮫ ﻣﯿﮟ ﺳﭙﻨﮯ ﻧﮩﯿﮟ ﺭﮨﮯ
ﭘﻮﭼﮭﺎ ﮐﺮﻭﮔﯽ ﮐﯿﺎ ﺟﻮ ﺍﮔﺮ ﻣﯿﮟ ﻧﮩﯿﮟ ﺭﮨﺎ؟
ﺑﻮﻟﯽ ﯾﮩﺎﮞ ﺗﻮ ﺗﻢ ﺳﮯ ﺑﮭﯽ ﺍﭼﮭﮯ ، ﻧﮩﯿﮟ ﺭﮨﮯ
ﺁﺧﺮ ﻭﮦ ﭘﮭﭧ ﭘﮍﯼ ﮐﮧ ﺳﻨﻮ ﺍﺏ ﻣﺮﮮ ﺳﻮﺍﻝ
ﮐﯿﺎ ﺳﭻ ﻧﮩﯿﮟ ﮐﮧ ﺗﻢ ﺑﮭﯽ ﮐﺴﯽ ﮐﮯ ﻧﮩﯿﮟ ﺭﮨﮯ
ﮔﻮ ﺁﺝ ﺗﮏ ﺩﯾﺎ ﻧﮩﯿﮟ ﺗﻢ ﻧﮯ ﻣﺠﮭﮯ ﻓﺮﯾﺐ
ﭘﺮ ﯾﮧ ﺑﮭﯽ ﺳﭻ ﮨﮯ ﺗﻢ ﮐﺒﮭﯽ ﻣﯿﺮﮮ ﻧﮩﯿﮟ ﺭﮨﮯ
ﺍﺏ ﻣﺪﺗﻮﮞ ﮐﮯ ﺑﻌﺪ ﯾﮧ ﺁﺋﮯ ﮨﻮ ﺩﯾﮑﮭﻨﮯ
ﮐﺘﻨﮯ ﭼﺮﺍﻍ ﮨﯿﮟ ﺍﺑﮭﯽ ، ﮐﺘﻨﮯ ﻧﮩﯿﮟ ﺭﮨﮯ !
ﻣﯿﮟ ﻧﮯ ﮐﮩﺎ ﻣﺠﮭﮯ ﺗﺮﯼ ﯾﺎﺩﯾﮟ ﻋﺰﯾﺰ ﺗﮭﯿﮟ
ﺍﻥ ﮐﮯ ﺳﻮﺍ ﮐﺒﮭﯽ ، ﮐﮩﯿﮟ ﺍُﻟﺠﮭﮯ ﻧﮩﯿﮟ ﺭﮨﮯ
ﮐﯿﺎ ﯾﮧ ﺑﮩﺖ ﻧﮩﯿﮟ ﮐﮧ ﺗﯿﺮﯼ ﯾﺎﺩ ﮐﮯ ﭼﺮﺍﻍ
ﺍﺗﻨﮯ ﺟﻠﮯ،ﮐﮧ ﻣُﺠﮫ ﻣﯿﮟ ﺍﻧﺪﮬﯿﺮﮮ ﻧﮩﯿﮟ ﺭﮨﮯ
ﮐﮩﻨﮯ ﻟﮕﯽ ﺗﺴﻠّﯿﺎﮞ ﮐﯿﻮﮞ ﺩﮮ ﺭﮨﮯ ﮨﻮ ﺗﻢ
ﮐﯿﺎ ﺍﺏ ﺗﻤﮩﺎﺭﯼ ﺟﯿﺐ ﻣﯿﮟ ﻭﻋﺪﮮ ﻧﮩﯿﮟ ﺭﮨﮯ
ﺑﮩﻼ ﻧﮧ ﭘﺎﺋﯿﮟ ﮔﮯ ﯾﮧ ﮐﮭﻠﻮﻧﮯ ﺣﺮﻭﻑ ﮐﮯ
ﺗﻢ ﺟﺎﻧﺘﮯ ﮨﻮ ﮨﻢ ﮐﻮﺋﯽ ﺑﭽّﮯ ﻧﮩﯿﮟ ﺭﮨﮯ
ﺑﻮﻟﯽ ﮐﺮﯾﺪﺗﮯ ﮨﻮ ﺗﻢ ﺍُﺱ ﮈﮬﯿﺮ ﮐﻮ ،
ﺟﮩﺎﮞﺑﺲ ﺭﺍﮐﮫ ﺭﮦ ﮔﺌﯽ ﮨﮯ ، ﺷﺮﺍﺭﮮ ﻧﮩﯿﮟ ﺭﮨﮯ
ﭘﻮﭼﮭﺎ ﺗﻤﮩﯿﮟ ﮐﺒﮭﯽ ﻧﮩﯿﮟ ﺁﯾﺎ ﻣﺮﺍ ﺧﯿﺎﻝ
ﮐﯿﺎ ﺗﻢ ﮐﻮ ﯾﺎﺩ ﯾﺎﺭ ﭘﺮﺍﻧﮯ ﻧﮩﯿﮟ ﺭﮨﮯ
ﮐﮩﻨﮯ ﻟﮕﯽ ﻣﯿﮟ ﮈﮬﻮﻧﮉﺗﯽ ﺗﯿﺮﺍ ﭘﺘﮧ ،
ﻣﮕﺮﺟﻦ ﭘﺮ ﻧﺸﺎﮞ ﻟﮕﮯ ﺗﮭﮯ ، ﻭﮦ ﻧﻘﺸﮯ ﻧﮩﯿﮟ ﺭﮨﮯ
ﺗﯿﺮﮮ ﺑﻐﯿﺮ ﺷﮩﺮِ ﺳﺨﻦ ﺳﻨﮓ ﮨﻮ ﮔﯿﺎ
ﮨﻮﻧﭩﻮﮞ ﭘﮧ ﺍﺏ ﻭﮦ ﺭﯾﺸﻤﯽ ﻟﮩﺠﮯ ﻧﮩﯿﮟ ﺭﮨﮯ
ﺟﻦ ﺳﮯ ﺍُﺗﺮ ﮐﮯ ﺁﺗﯽ ﺩﺑﮯ ﭘﺎﺅﮞ ﺗﯿﺮﯼ ﯾﺎﺩ
ﺧﻮﺍﺑﻮﮞ ﻣﯿﮟ ﺑﮭﯽ ﻭﮦ ﮐﺎﺳﻨﯽ ﺯﯾﻨﮯ ﻧﮩﯿﮟ ﺭﮨﮯ
ﻣﯿﮟ ﻧﮯ ﮐﮩﺎ ، ﺟﻮ ﮨﻮ ﺳﮑﮯ ، ﮐﺮﻧﺎ ﮨﻤﯿﮟ ﻣﻌﺎﻑ
ﺗﻢ ﺟﯿﺴﺎ ﭼﺎﮨﺘﯽ ﺗﮭﯿﮟ ، ﮨﻢ ﺍﯾﺴﮯ ﻧﮩﯿﮟ ﺭﮨﮯ
ﮨﻢ ﻋﺸﻖ ﮐﮯ ﮔﺪﺍ ، ﺗﯿﺮﮮ ﺩﺭ ﺗﮏ ﺗﻮ ﺁ ﮔﺌﮯ
ﻟﯿﮑﻦ ﮨﻤﺎﺭﮮ ﮨﺎﺗﮫ ﻣﯿﮟ ﮐﺎﺳﮯ ﻧﮩﯿﮟ ﺭﮨﮯ
ﺍﺏ ﯾﮧ ﺗﺮﯼ ﺭﺿﺎ ﮨﮯ،ﮐﮧ ﺟﻮ ﭼﺎﮨﮯ،ﺳﻮ ﮐﺮﮮ
ﻭﺭﻧﮧ ﮐﺴﯽ ﮐﮯ ﮐﯿﺎ ، ﮐﮧ ﮨﻢ ﺍﭘﻨﮯ ﻧﮩﯿﮟ ﺭﮨﮯ