Is shehr-e-sitam'gar
mein wafa dhoond rahay hain,
Nadan hain ham bhi kay ye
kia dhoond rahay hain,


Ham log muqaddar k
sikandar to nahi hain,

kia soch k phir aab-e-baqa dhoond rahay
hain?


khamosh fizaaon mein ye bechain
parinday,

is habs kay mausam mein hawa dhoond rahay
hain,



 


jo dil say nikaltay hi teray Qalb ko chhoo
lay,

ham log wohi harf-e-dua dhoond rahay
hain,


ik shakhs nay manga tha kabhi ham ko dua
mein,

us shakhs ko aaj tak Ba'khuda dhoond rahay hain.