Halqa-e-Zanjeer Main Paida Sada Ham Say Hui
Yeh Who Naghma Hay Kah Jiski ibteda Ham Say Hui

Ham Jahan Pohanchay Wahein Ek Taaza Maa’bad Ban Gaya
Jab Hui Tazeem-e-Zindaan-e-Wafa Ham Say Hui

... Paara Paara Kar Diya Khud Ham Nay Damaan-e-Talab
Jab Kabhi Bhoolay Say Koi ilteja Ham Say Hui

Ham Nay Pehli Baar Hi Toray Nahein Toaq-e-Sitam
Yeh Khata Ae Wehshat-e-Dil Baar Ha Ham Say Hui

Dil Garifta Phir Rahay Hain Zindagi Ki Raah Main
Ek Tumari Yaad Thi Who Bhi Juda Ham Say Hui

Ham To Sailaab-e-Khizaan Main Bhi Rahay Saabit Qadam
Sar Garaan Kay Soch Kar Moj-e-Saba Ham Say Hui

Sun Raha Hay Ek Jahan Shoar-e-Salasal Aaj Kal
Is Chaman Ki Sir Zameen Naghma Saraa Ham Say Hui

Koun Uthata Hay Naqaab Rooy-e-Janaan Ae Qateel
Yeh Qayammat Bhi Sar-e-Mehfil Bapa Ham Say Hui