Yonhi do pal sahi ghamgeen dil ko shaad krty hain
ameer-e-shehr k aagy koi faryaad krty hain

thikana dhondhty hain ab ksi ujry hoe dil me
chalo aao koi veraan ghar aabad krty hain

tumhare ye jahan waaly humain pagal samjhty hain
bhula dete hain khud ko hum tumhain jab yaad krty hain

unhain fursat kahan betaab dil ka haal sun'ny ki
hamary wasty kab wqt wo barbad krty hain

purani baat hai tofan k rukh ko palat dena
jo dil ko phair dy aisa hunar ijaad krty hain

ye khamoshi se barson in ki bunyadon me palty hain
gharon ko nafraton k zal'zaly barbad krty hain


 


tumhari goud me sir rakh k soona chahty to hain
mgr kab safar k zindan humain aazad krty hain





Mulaqaatein musalsal hon to dil-chaspi nahi rehti,

Bare dil-chasp hote hain ye be-tarteeb yaarane.......!!!