Main To Maqtal Mein b Qismat Ka Sikandar Nikla
Qurra-e-Faal Mery Naam Ka Aksar Nikla

Tha Jinhein Zuam Vo Darya b Mujhii Mein Doobay
Main k Sehra Nazar Aata Tha, Samandar Nikla

Main Ne Uss Jaan-e-Baharaa'n Ko Bohat Yaad Kiya
Jab Koi Phool Meri Shakh-e-Hunar Par Nikla

Shehar Walon Ki Muhabbat Ka Main Qayel Hoon Magar
Main Ne Jis Haath Ko Chooma, Vohi Khanjar Nikla

Tu Yehin Haar Gaya Tha Mery Buzdal Dushman
Mujh Se Tanha k Muqabil, Tera Lashkar Nikla


 


Main k Sehra-e-Muhabbat Ka Musafir Tha 'Faraz'
Aik Jhonka Tha k Khushboo k Safar Par Nikla...!!!