Name:  shazia_scars_wide-ebeacac7866883d6b39b30f9ad361f4194956227-s6-c30.jpg
Views: 795
Size:  22.5 KB

Hamesha dair kar daita hoon mein
hur kaam karney mein
Zaroori baat kehni ho
koi wada nibhana ho
Usay awaz daini ho
usay wapis bulana ho
Hamesha deir kar daita hoon mein


Madad karni ho us ki,
Yaar ki dharas bandhana ho
Bohat dareena rastoon per
kisi sai milna jana ho
Hamesha deir kar daita hoon mein


Badaltay mosamoon ki sair mein
dil ko lagana ho
Kisi ko yaad rakhna ho,
kisi ko bhool jana ho
Hamesha deir kar daita hoon mein


Kisi ko muat sai pehlay
Kisi gham sai bachana ho
Haqeeqat aur thi kuch
Us ko ja kay batana ho


Hamesha dair kar daita hoon mein




 



submitted by kshehzad41 from nidokidos group