آنکھ میں خواب نہیں
خواب کا ثانی بھی نہیں


کنج لب میں کوئی
پہلی سی کہانی بھی نہیں


ڈھونڈتا پھرتا ھوں
اِک شہر تخیل میں تجھے


اور مرے پاس ترے
گھر کی نشانی بھی نہیں


بات جو دل میں
دھڑکتی ھے محبت کی طرح


اُس سے کہنی بھی نہیں
اُس سے چھپانی بھی نہیں


آنکھ بھر نیند میں
کیا خواب سمیٹیں کہ ابھی


چاندنی رات نہیں
رات کی رانی بھی نہیں


کچے ایندھن میں سلگنا ھے
اور اس شرط کے ساتھ


تیز کرنی بھی نہیں
آگ بجھانی بھی نہیں


اب تو یوں ھے کہ
ترے ھجر میں رونے کے لیے


آنکھ میں خون تو کیا
خون سا پانی بھی نہیں


"ایوب خاور"