Apani zulfon ko sitaron ke hawale kar do
Shahar-e-gul badagusaaron ke hawale kar do

Talkhi-e-hosh ho ya masti-e-idaraak- e-junoon
Aj har chiz baharon ke hawale kar do

Mujh ko yaaron na karo rahnumaon ke supurd
Mujh ko tum rahguzaaron ke hawale kar do

Jagane walon ka toofaan se kar do rishta
sone waalon ko kinaron ke hawale kar do

Meri tauba ka baja hai yahi ejaaz "Adam"
Mera sagar mere yaaron ke hawale kar do