Shoroo na ho ga safer ye jab tak
safer ye kesay tamam ho ga
Milo ge tum, ya na mil sako ge
talash apni rahe ge jari
kaheen tu manzil miley ge apni
kahin tu apna qayam ho ga
Haen lambi rahen,tanha musafat
chale ja rahe haen, iss ummeed per ham
hae door manzil, dhoan dhoan se
na janey kya apna anjam ho ga
Ye dil ki basti, hae veeran se kyun
na koe dastak, na koe aahat
tera tasavvor hae mere rooh main
tujh he se bas ab kalam ho ga
Nishan-e-manzil, na rehnumaee
khari hae Rabi , bas ik jagha per
yaheen pe rah takty takty
safar umer ka tamam ho ga


Poetry by: Rabia Iqbal Rabi