Ya kaun meray dil main yeh kehta hai k main hoon
Mehsoos karoon usko tou lagta hai k main hoon
Kion khailta rehta hai na janay koi dil say
Nadaan k haathoon main khilona hai k main hoon
Yaadain hain k reh reh k sulag uthti hain aksar
Badal koi tham tham k barasta hai k main hon
Woh rang,woh khushbu,meri ab mujh main kahan hai
Yai shaakh say toota huwa ghuncha hai k main hoon
Rastay ka mujhay hosh na manzil ki khabar kuch
Toofan main urta huwa patta hai k main hoon
Aanso meray hans hans k yahi pooch rahay hain
Sailaab main behta hwa tinka hai k main hoon
Kuch aur he aalam hai meri zaat main pinha
Dunia main koi aur he rehta hai k main hoon