mujh ko mara hai har ik dard_o_dua se pehley
di saza ishq ne har jurm_o_khata se pehley

atish_e_ishq bharakti hai hava se pehley
hont jaltey hein mohabat mein dua se pehley

ab kami kya hai tere be_sar_o_samanoon ko
kuch na tha teri kasam tark_o_fana se pehley

khud_ba_khud chaak houey pairahan_e_lala_o_gul
chal gayi kesi hava baad_e_saba se pehley

maut ke naam se dartey the hum shauq_e_hayat
tu ne to maar hi dala tha qaza se pehley


 


ghalat_e_hasti_e_fani ki bata degi tujhe
jo mera haal tha ehsaas_e_fana se pehley

ham unhein pakey aur bi kuch kho se gaye
ye taqaluf toh na the ehd_e_wafa se pehley!!