Kal Naala-e-Qamri Ki Sada Tak Nahi Ayi
Kia Matam-e-Gul Tha Ke Saba Tak Nahi Ayi

Adaab-e-Kharabaat Ka Kia Zikr Yahan To
Rindo'n Ko Behekne Ki Ada Tak Nahi Ayi
...
Tujh Ese Maseeha Ke Taghaful Ka Gila Kia
Hum Jaiso'n Ki Pursish Ko Qaza Tak Nahi Ayi

Jalte Rahay Be Sarfa Charaghon Ki Tarah Hum
Tu Kia.. Tere Koochay Ki Hawa Tak Nahi Ayi

Is Darr Pe Yeh Aalam Hua Dil Ka Ke Labo'n Par
Kia Harf-e-Tamanna , Ke Dua Tak Nahi Ayi...

(Ahmed Faraz)