Na bujha charagh-e-dayaar-e-dil,na bicharne ka tu malaal kar


 


Tujhe de gi jeene ka hosla,meri yaad rakh le sambhal kar

Yeh bhi kia k aik he shakhs ko kabhi sochna,kabhi bhoolna

Jo na bujh sakay woh diya jala,jo na ho sakay woh kamal kar

Gham-e-arzoo meri justuju,main simat k aa gaya ru-baru

Yeh sakot-e-marg hai kis liye,main jawab doon tu sawal kar

Tu bichar raha hai to soch le,tere haath hai meri zindagi

Tujhe rokna meri mout hai,meri bebasi ka khayal kar

Mere dard ka,mere zabt ka,meri be-basi,mere sabr ka

Ja yakeen na aaye to dekh le,tu hawa mein phool uchaal kar