agar wo meherbaa'N hota

tu meri aa'nkh maiN na Jhil'milati ye nami hoti
na meray dil ki wadi maiN khizaa'N ka qaa' fila rukta

ager wo meherbaa'N hota

meri bay-noor aa'nkhooN maiN sitaray qaid ker daita
meri zakhmi hathay'li pay wo koi phool dhur day'ta

meray hathooN Ko apnay haath maiN lay ker wo yeh kehta
mohabbat roshni hai ,rang hai ,khushboo sitara Hai


 


qasam mujh ko mohabat ki mujhay tu sab say pay'ari hai
mager wo aaisa tab kehta ager wo meherbaa'N hota

kash k agar wo meherbaa'N hota