Yeh Degree bhi lelo, Yeh Naukri bhi lelo,
Bhale mujhse lelo woh USA ka Visa,
Magar mujhko lauta do college ki canteen,
Woh TeeKha Samosaa, Woh thanda saaa paani,

Woh College ki sabse - puraani nishaanee,
Woh chai waalaa jisko - saare kehte the... jaani,
Woh jaani ke haathon - ki 'cutting' chai meethi,
Woh chup-kese journal - mein jo bheji thi chitthi,
Woh parhte hi chitthi - tha uska bharakna,
Woh chehre ki laali, woh aankhon kaa gussaa ...
Woh teekha samosa, woh thanda saaa paani....... ....

Karri dhoop mein - apne room se nikalnaa,
Woh project ki Khaatir - tha dar dar bhataknaa ,
Woh lecture mein doston - ki proxy lagaanaa,
Woh sir ko chiDhaana, aeroplane uraanaa,
Woh submission ki raaton - ko jagna jagaanaa,
Woh lab ke kisse, woh practical ki kahani....
Woh teekha samosa, woh thanda saaa paani....... ...

Woh dena Bimaari - ka har time bahana,
Woh doosron ka assignment - ko apnaa banana,
Woh seminar ke din - pairon ka chhat-pa taanaa,
Woh workshop mei n din bhar - pasinaa bahanaa,
Woh slogans banana - aur Gym me lagaanaa,
Phir Exam ke din ko - tha bechain hona,
Woh teekha samosa, woh thanda saaa paani....... .


 


College ki thi - woh lambi si raatein,
Woh doston ke jhoonD men - pyaari si Baatein;
Woh gathering ke din ka - jo larnaa Jhagarnaa;
Woh kuRiyon ka yuhin - hamesha akaRnaa;
Bhulaaye nahin bhool sakta hai koi -------
Woh college, woh baatein, woh guzara jamana...
Woh Teekha Samosa, Woh thanda saaa paani